ಇದೊಂದು ಅನಾದಿ ಕಾಲದಿಂದ ನಡೆದು ಬಂದ ದೌರ್ಜನ್ಯ,ದಬ್ಬಾಳಿಕೆ,ಶೋಷಣೆಯ ಕಥೆ.ಕರುಣೆಯಿಲ್ಲದ ಈ ಸಮಾಜವು ಒಂದು ಪ್ರತಿಭೆಯನ್ನು ಹೇಗೆ ತನ್ನ ಕಪಿಮುಷ್ಠಿಯಲ್ಲಿ ಅದುಮಿ ಹಿಡಿದಿಟ್ಟುಕೊಳ್ಳಬಹುದು ಎಂಬುದಕ್ಕೆ ಜ್ವಲಂತ ಉದಾಹರಣೆ.
ನಾನು "ಎರಡು".ಒಂದು ಒಂದು ಸೇರಿ ಎರಡಾದ್ದರಿಂದ ನನ್ನನ್ನು ಏಕಾತ್ಮಜ ಎಂದೂ ಕರೆಯಬಹುದು.ವಸ್ತುಶಃ ನನ್ನಲ್ಲಿ ಯಾವ ಲೋಪದೋಷಗಳಿಲ್ಲದೆ ಹೋದರೂ ವಿನಾಕಾರಣ ನನ್ನನ್ನು ಹೀನಾಯವಾಗಿ ನೋಡಲಾಗುತ್ತದೆ.ಅಷ್ಟೇ ಅಲ್ಲದೆ ಸ್ವತಂತ್ರವಾಗಿ ಗೌರವಾನ್ವಿತರಾಗಿರುವ ಯಾರಾದರೂ ನನ್ನೊಡನೆ ಸಂಬಂಧ ಬೆಳೆಸಿಕೊಂಡರೆ ಅವರ ಗೌರವಕ್ಕೂ ಕಪ್ಪು ಮಸಿ ಬಳಿಯಲಾಗುತ್ತದೆ.
ಈಗ ನೀವೇ ನೋಡಿ ಒಂದೇ ಮಾತಿನಲ್ಲಿ ಹೇಳುವುದಾದರೆ,ಅಂಕೆ ಸಂಖ್ಯೆಗಳಲ್ಲಿ ೧ ಯಾವತ್ತೂ ರಾಜ.ಮೊದಲಿಗ,ಯಾರಿಂದಲೂ ಪೂರ್ಣವಾಗಿ ಭಾಗಿಸಲ್ಪಡದ ಆದರೆ ಎಲ್ಲ ಸಂಖ್ಯೆಗಳನ್ನೂ ಭಾಗಿಸಬಲ್ಲ ತಾಕತ್ತು ಇದಕ್ಕಿದೆ.ಆದರೆ ಅರಸನ ಮುಂದಿರಬೇಡ,ಕತ್ತೆಯ ಹಿಂದಿರಬೇಡ ಎಂಬ ನಾಣ್ಣುಡಿಗೆ ವ್ಯತಿರಿಕ್ತವೆಂಬಂತೆ ನಾನು ಈ ರಾಜ ೧ ರ ಮುಂದೆ ,ಆ ಥರ್ಡ್ ಕ್ಲಾಸ್ ೩ ರ ಹಿಂದೆ ಕೂತಿದ್ದೇನೆ.ಈ ಜನ್ಮ ಕುಂಡಲಿಯ ದೋಷದಿಂದಲೇ ನಾನು ಯಾರ ಅಕ್ಕಪಕ್ಕ ಹೋಗಿ ಕೂತರೂ ಅವರ ವಾಸ್ತುಶಾಸ್ತ್ರ ಅಲ್ಲೋಲಕಲ್ಲೋಲವಾಗುತ್ತದೆ.
ಸಾಮಾಜಿಕ ಜೀವನದಲ್ಲೂ ಮೊದಲನೇ ಮದುವೆಗಿದ್ದಷ್ಟು ಮರ್ಯಾದೆ ಎರಡನೇಯದಕ್ಕಿಲ್ಲ.ಎದುರಿಗೆ ಎಲ್ಲರೂ ಸಂತೋಷದಿಂದಿದ್ದರೂ ಒಳಗೊಳಗೇ ಕುಹಕವಾಡುತ್ತಾರೆ.ಅದೇ ಮದುವೆ ಮಂಟಪದಲ್ಲಿ ಯಾರಾದ್ರೂ ಚಿಕ್ಕ ಮಕ್ಕಳು ಒಂದು ಬೆರಳು ಮೇಲೆತ್ತಿದರೆ,ನನ್ನ ಬಂಗಾರ! ಸುಸ್ಸು ಆದರೆ ಹೇಳುತ್ತಾನೆ ಎಂದು ಪ್ರೀತಿಯಿಂದ ಕರೆದುಕೊಂಡು ಹೋಗುವ ಹಿರಿಯರು ಮಗು ಎರಡು ಬೆರಳು ತೋರಿಸಿದರೆ ಅಮ್ಮನ ಹತ್ತಿರ ಹೋಗು ಪುಟ್ಟಾ ಎಂದು ನುಣುಚಿಕೊಳ್ಳುತ್ತಾರೆ.
ಸಾಧನೆ ಮೊದಲನೆಯವನದ್ದೇ , ಆದರೆ ಸ್ವಲ್ಪ ಸಮಯದ ನಂತರ ಅಷ್ಟೇ ಆದರೂ ಪ್ರಪಂಚ ಯಾವತ್ತೂ ಎರಡನೇಯವನಾದವನನ್ನು ನೆನಪು ಇಟ್ಟುಕೊಳ್ಳುವುದಿಲ್ಲ.ಎಲ್ಲರೂ ಒಂದಾದರೆ ಒಗ್ಗಟ್ಟು ಎಂದು ಶಕ್ತಿ ಪ್ರದರ್ಶನ ಮಾಡುವ ರಾಜಕೀಯ ನಾಯಕರು ಯಾರಾದರೂ ಎರಡು ಬಗೆದರೆ,ಅವನು ಎರಡು ನಾಲಗೆಯವನು,ಇಮ್ಮಂಡೆ ಹಾವೆಂದು ಹೇಳಿ ಅವನನ್ನು ಮೋಸಗಾರನೆಂದು ಬಿಂಬಿಸುತ್ತಾರೆ.
ನನ್ನ ಸಹೋದರರಾದ ಸಮ ಸಂಖ್ಯೆಗಳೆಲ್ಲವೂ "ನೀನೊಬ್ಬ ಕುಲಕ್ಕೆ ಮೃತ್ಯು ಕೊಡಲಿ ಕಾವು" ,"ನಿನ್ನಿಂದಾಗೇ ನಾವೆಲ್ಲಾ ಅವಿಭಾಜ್ಯ ಸಂಖ್ಯೆ ಆಗಲು ಸಾಧ್ಯವಿಲ್ಲ ಎಂದಾಗ ನನಗೆ ಎಲ್ಲಿಲ್ಲದ ಸಂಕಟವಾಗುತ್ತದೆ.ನನ್ನನ್ನು,ನನ್ನ ಪ್ರತಿಭೆಯನ್ನು ಅರ್ಥ ಮಾಡಿಕೊಂಡ ಕೆಲವು ಸಂಖ್ಯೆಗಳು ನನ್ನನ್ನು ತಲೆಯ ಮೇಲೆ ಏರಿಸಿಕೊಂಡಾಗ ಗಣಿತಜ್ಞರು ಅವರನ್ನು ವರ್ಗ ಮಾಡಿದ್ದು (ಉದಾಹರೆಣೆಗೆ ೮^೨=64)ನನಗೆ ಬಹಳ ಬೇಸರ ತಂದಿತು.
ಪರಭಾಷೆಗಳಲ್ಲೂ ನನಗೆ ಅವಮಾನ ತಪ್ಪಿದ್ದಲ್ಲ.ನನ್ನ ಐಡೆಂಟಿಟಿಯನ್ನು ಮರೆಮಾಚಿ 'ಪ್ರಿ-ಒನ್ಡ ಕಾರ'ನ್ನು ಖರೀದಿಸಿ ಅದು ಎಷ್ಟೇ ಚೆನ್ನಾಗಿದ್ದರೂ ಬಂಧುಮಿತ್ರರ 'ಸೆಕೆಂಡ್ ಹ್ಯಾಂಡಾ?'ಎಂಬ ಅನುನಾಸಿಕ ಪ್ರಯೋಗಕ್ಕೆ ಗುರಿಯಾಗಬೇಕು.ಹಿಂದಿಯಲ್ಲೂ ಕಾನೂನು ಬಾಹಿರವಾಗಿ ಸಂಪಾದಿಸಿದ/ನಡೆಸುತ್ತಿರುವ ವ್ಯವಹಾರಕ್ಕೆ ದೋ ನಂಬರ್ ಕಾ ಧ೦ದಾ ಎಂದು ಹೇಳುತ್ತಾರೆ.
ಚಿಕ್ಕ ಮಕ್ಕಳಿಗೆ ತಂದೆ ತಾಯಿಯರು ಗದರುವಾಗ "ನೋಡು ಒಂದು ಸಲ ಪ್ರೀತಿಯಿಂದ ಹೇಳುತ್ತೇನೆ ಎರಡನೇ ಸಲ ಏಟು ಬೀಳುತ್ತದೆ "ಎಂದಾಗ ನನಗೆ ಎಲ್ಲಿಲ್ಲದ ನೋವಾಗುತ್ತದೆ.ಯಾಕೆ?ಮೊದಲ ಸಲ ಏಟು ಹೊಡೆದು ಎರಡನೇ ಸಲ ಪ್ರೀತಿ ಮಾಡಬಹುದು ಅಲ್ಲವೇ?ಏಕೀ ತಾರತಮ್ಯ?
ಹೀಗೊಮ್ಮೆ ಯಾರೋ ನೀರಿನಲ್ಲಿ ಬಿದ್ದಾಗ ಅವನ ಸಹಾಯಕ್ಕೆ ಹಗ್ಗದ ಒಂದು ತುದಿಯನ್ನು ಅವನೆಡೆಗೆ ಎಸೆದರು.ಅವನ ಮೇಲೆ ಕನಿಕರ ಹುಟ್ಟಿ ಹಗ್ಗದ ಎರಡನೇ ತುದಿಯಾದ ನಾನು ಕೂಡ ಅವನ ಸಹಾಯಕ್ಕೆ ಧಾವಿಸಿದೆ.ಆದರೆ ಹಗ್ಗ ಹಿಡಿದವನನ್ನು ಜನರು ಹಿಗ್ಗಾಮುಗ್ಗಾ ಥಳಿಸಿದಾಗ ಒಳ್ಳೆಯವರಿಗೆ ಇದು ಕಾಲವಲ್ಲ ಎಂದು ಅರ್ಥವಾಯಿತು.
ನನ್ನನ್ನು ಸರಿಸಮಾನವಾಗಿ ನೋಡದೇ ಕೆಳದಬ್ಬುವ ಪ್ರಯತ್ನ ಮೊದಲಿನಿಂದಲೂ ನಡೆಯುತ್ತಲೇ ಇದೆ.ನಾನು ಯಾವುದೇ ಸಾಮಗ್ರಿಯ ಬೆಲೆಯ ಪಕ್ಕ ನಿಂತು ಅದರ ಬೆಲೆ ಎರಡರಷ್ಟಾದರೆ ಅಮ್ಮಮ್ಮೋ!ಎಂದು ಹುಬ್ಬೇರಿಸಿ ಕರಚಾಮರದಲ್ಲಿ ಗಾಳಿ ಬೀಸಿಕೊಳ್ಳುವ ಜನರು ಅದೇ ನನ್ನನ್ನು ಕೆಳದಬ್ಬಿ ೧/೨ ಪ್ರೈಸ್ ಸೇಲ್ ಎಂದು ಬೋರ್ಡ್ ನೋಡಿದರೆ ಆಹಾಹಾ! ಎಂದು ಬೇಡದ್ದನ್ನು ಖರೀದಿಸುವಾಗ ನನಗೆ ನಗಬೇಕೋ ಅಳಬೇಕೋ ತಿಳಿಯುವುದಿಲ್ಲ.
ಆದರೆ ೨೦೧೪ರಲ್ಲಿ ಮಾನ್ಯ ನರೇಂದ್ರ ಮೋದಿಯವರು ಚುನಾವಣಾ ಗೆದ್ದಾಗ ಕೈಯಲ್ಲಿ ಎರಡು ನಂಬರ್ ತೋರಿಸಿ ವಿಜಯೋತ್ಸವ ಮಾಡಿದಾಗ,ಎರಡನೇ ಬಾರಿ ಮತ್ತೆ ಗೆದ್ದು ಬಂದಾಗ ಜನರು ಪಟ್ಟ ಸಂಭ್ರಮವನ್ನು ಕಂಡು ನನ್ನ ಗುಣ ನಡತೆಯ ಮೇಲೆ ಆವರಿಸಿದ್ದ ಕಪ್ಪು ಛಾಯೆ ಹೋಯಿತೆಂದು ಕೊಂಡರೆ ಚಂದ್ರಯಾನ-೨ ಚಂದ್ರನಿಗೆ ಎರಡು ಕಿ.ಮೀ ದೂರವಿರಬೇಕಾದರೆ ಪತನಗೊಂಡ ಕರ್ಣಕಠೋರ ಸುದ್ದಿ ನನ್ನ ಎರಡೂ ಕಿವಿಗಳ ಮೇಲೆ ಬಿದ್ದಾಗ ಇದು ಎಂದೂ ಮುಗಿಯದ ಕಥೆ ಎಂದು ತಿಳಿದು ನನ್ನ ಎರಡೂ ಕಣ್ಣುಗಳಲ್ಲಿ ನೀರು ಸುರಿಯಿತು.
ಇಷ್ಟು ಹೇಳಿ ನನ್ನ ಎರಡು ಮಾತನ್ನು ಮುಗಿಸುತ್ತೇನೆ.
ಇತೀ ನಿಮ್ಮ ಪ್ರೀತಿಯ
ಎರಡು
-ವಿಕಟಕವಿ
ನಾನು "ಎರಡು".ಒಂದು ಒಂದು ಸೇರಿ ಎರಡಾದ್ದರಿಂದ ನನ್ನನ್ನು ಏಕಾತ್ಮಜ ಎಂದೂ ಕರೆಯಬಹುದು.ವಸ್ತುಶಃ ನನ್ನಲ್ಲಿ ಯಾವ ಲೋಪದೋಷಗಳಿಲ್ಲದೆ ಹೋದರೂ ವಿನಾಕಾರಣ ನನ್ನನ್ನು ಹೀನಾಯವಾಗಿ ನೋಡಲಾಗುತ್ತದೆ.ಅಷ್ಟೇ ಅಲ್ಲದೆ ಸ್ವತಂತ್ರವಾಗಿ ಗೌರವಾನ್ವಿತರಾಗಿರುವ ಯಾರಾದರೂ ನನ್ನೊಡನೆ ಸಂಬಂಧ ಬೆಳೆಸಿಕೊಂಡರೆ ಅವರ ಗೌರವಕ್ಕೂ ಕಪ್ಪು ಮಸಿ ಬಳಿಯಲಾಗುತ್ತದೆ.
ಈಗ ನೀವೇ ನೋಡಿ ಒಂದೇ ಮಾತಿನಲ್ಲಿ ಹೇಳುವುದಾದರೆ,ಅಂಕೆ ಸಂಖ್ಯೆಗಳಲ್ಲಿ ೧ ಯಾವತ್ತೂ ರಾಜ.ಮೊದಲಿಗ,ಯಾರಿಂದಲೂ ಪೂರ್ಣವಾಗಿ ಭಾಗಿಸಲ್ಪಡದ ಆದರೆ ಎಲ್ಲ ಸಂಖ್ಯೆಗಳನ್ನೂ ಭಾಗಿಸಬಲ್ಲ ತಾಕತ್ತು ಇದಕ್ಕಿದೆ.ಆದರೆ ಅರಸನ ಮುಂದಿರಬೇಡ,ಕತ್ತೆಯ ಹಿಂದಿರಬೇಡ ಎಂಬ ನಾಣ್ಣುಡಿಗೆ ವ್ಯತಿರಿಕ್ತವೆಂಬಂತೆ ನಾನು ಈ ರಾಜ ೧ ರ ಮುಂದೆ ,ಆ ಥರ್ಡ್ ಕ್ಲಾಸ್ ೩ ರ ಹಿಂದೆ ಕೂತಿದ್ದೇನೆ.ಈ ಜನ್ಮ ಕುಂಡಲಿಯ ದೋಷದಿಂದಲೇ ನಾನು ಯಾರ ಅಕ್ಕಪಕ್ಕ ಹೋಗಿ ಕೂತರೂ ಅವರ ವಾಸ್ತುಶಾಸ್ತ್ರ ಅಲ್ಲೋಲಕಲ್ಲೋಲವಾಗುತ್ತದೆ.
ಸಾಮಾಜಿಕ ಜೀವನದಲ್ಲೂ ಮೊದಲನೇ ಮದುವೆಗಿದ್ದಷ್ಟು ಮರ್ಯಾದೆ ಎರಡನೇಯದಕ್ಕಿಲ್ಲ.ಎದುರಿಗೆ ಎಲ್ಲರೂ ಸಂತೋಷದಿಂದಿದ್ದರೂ ಒಳಗೊಳಗೇ ಕುಹಕವಾಡುತ್ತಾರೆ.ಅದೇ ಮದುವೆ ಮಂಟಪದಲ್ಲಿ ಯಾರಾದ್ರೂ ಚಿಕ್ಕ ಮಕ್ಕಳು ಒಂದು ಬೆರಳು ಮೇಲೆತ್ತಿದರೆ,ನನ್ನ ಬಂಗಾರ! ಸುಸ್ಸು ಆದರೆ ಹೇಳುತ್ತಾನೆ ಎಂದು ಪ್ರೀತಿಯಿಂದ ಕರೆದುಕೊಂಡು ಹೋಗುವ ಹಿರಿಯರು ಮಗು ಎರಡು ಬೆರಳು ತೋರಿಸಿದರೆ ಅಮ್ಮನ ಹತ್ತಿರ ಹೋಗು ಪುಟ್ಟಾ ಎಂದು ನುಣುಚಿಕೊಳ್ಳುತ್ತಾರೆ.
ಸಾಧನೆ ಮೊದಲನೆಯವನದ್ದೇ , ಆದರೆ ಸ್ವಲ್ಪ ಸಮಯದ ನಂತರ ಅಷ್ಟೇ ಆದರೂ ಪ್ರಪಂಚ ಯಾವತ್ತೂ ಎರಡನೇಯವನಾದವನನ್ನು ನೆನಪು ಇಟ್ಟುಕೊಳ್ಳುವುದಿಲ್ಲ.ಎಲ್ಲರೂ ಒಂದಾದರೆ ಒಗ್ಗಟ್ಟು ಎಂದು ಶಕ್ತಿ ಪ್ರದರ್ಶನ ಮಾಡುವ ರಾಜಕೀಯ ನಾಯಕರು ಯಾರಾದರೂ ಎರಡು ಬಗೆದರೆ,ಅವನು ಎರಡು ನಾಲಗೆಯವನು,ಇಮ್ಮಂಡೆ ಹಾವೆಂದು ಹೇಳಿ ಅವನನ್ನು ಮೋಸಗಾರನೆಂದು ಬಿಂಬಿಸುತ್ತಾರೆ.
ನನ್ನ ಸಹೋದರರಾದ ಸಮ ಸಂಖ್ಯೆಗಳೆಲ್ಲವೂ "ನೀನೊಬ್ಬ ಕುಲಕ್ಕೆ ಮೃತ್ಯು ಕೊಡಲಿ ಕಾವು" ,"ನಿನ್ನಿಂದಾಗೇ ನಾವೆಲ್ಲಾ ಅವಿಭಾಜ್ಯ ಸಂಖ್ಯೆ ಆಗಲು ಸಾಧ್ಯವಿಲ್ಲ ಎಂದಾಗ ನನಗೆ ಎಲ್ಲಿಲ್ಲದ ಸಂಕಟವಾಗುತ್ತದೆ.ನನ್ನನ್ನು,ನನ್ನ ಪ್ರತಿಭೆಯನ್ನು ಅರ್ಥ ಮಾಡಿಕೊಂಡ ಕೆಲವು ಸಂಖ್ಯೆಗಳು ನನ್ನನ್ನು ತಲೆಯ ಮೇಲೆ ಏರಿಸಿಕೊಂಡಾಗ ಗಣಿತಜ್ಞರು ಅವರನ್ನು ವರ್ಗ ಮಾಡಿದ್ದು (ಉದಾಹರೆಣೆಗೆ ೮^೨=64)ನನಗೆ ಬಹಳ ಬೇಸರ ತಂದಿತು.
ಪರಭಾಷೆಗಳಲ್ಲೂ ನನಗೆ ಅವಮಾನ ತಪ್ಪಿದ್ದಲ್ಲ.ನನ್ನ ಐಡೆಂಟಿಟಿಯನ್ನು ಮರೆಮಾಚಿ 'ಪ್ರಿ-ಒನ್ಡ ಕಾರ'ನ್ನು ಖರೀದಿಸಿ ಅದು ಎಷ್ಟೇ ಚೆನ್ನಾಗಿದ್ದರೂ ಬಂಧುಮಿತ್ರರ 'ಸೆಕೆಂಡ್ ಹ್ಯಾಂಡಾ?'ಎಂಬ ಅನುನಾಸಿಕ ಪ್ರಯೋಗಕ್ಕೆ ಗುರಿಯಾಗಬೇಕು.ಹಿಂದಿಯಲ್ಲೂ ಕಾನೂನು ಬಾಹಿರವಾಗಿ ಸಂಪಾದಿಸಿದ/ನಡೆಸುತ್ತಿರುವ ವ್ಯವಹಾರಕ್ಕೆ ದೋ ನಂಬರ್ ಕಾ ಧ೦ದಾ ಎಂದು ಹೇಳುತ್ತಾರೆ.
ಚಿಕ್ಕ ಮಕ್ಕಳಿಗೆ ತಂದೆ ತಾಯಿಯರು ಗದರುವಾಗ "ನೋಡು ಒಂದು ಸಲ ಪ್ರೀತಿಯಿಂದ ಹೇಳುತ್ತೇನೆ ಎರಡನೇ ಸಲ ಏಟು ಬೀಳುತ್ತದೆ "ಎಂದಾಗ ನನಗೆ ಎಲ್ಲಿಲ್ಲದ ನೋವಾಗುತ್ತದೆ.ಯಾಕೆ?ಮೊದಲ ಸಲ ಏಟು ಹೊಡೆದು ಎರಡನೇ ಸಲ ಪ್ರೀತಿ ಮಾಡಬಹುದು ಅಲ್ಲವೇ?ಏಕೀ ತಾರತಮ್ಯ?
ಹೀಗೊಮ್ಮೆ ಯಾರೋ ನೀರಿನಲ್ಲಿ ಬಿದ್ದಾಗ ಅವನ ಸಹಾಯಕ್ಕೆ ಹಗ್ಗದ ಒಂದು ತುದಿಯನ್ನು ಅವನೆಡೆಗೆ ಎಸೆದರು.ಅವನ ಮೇಲೆ ಕನಿಕರ ಹುಟ್ಟಿ ಹಗ್ಗದ ಎರಡನೇ ತುದಿಯಾದ ನಾನು ಕೂಡ ಅವನ ಸಹಾಯಕ್ಕೆ ಧಾವಿಸಿದೆ.ಆದರೆ ಹಗ್ಗ ಹಿಡಿದವನನ್ನು ಜನರು ಹಿಗ್ಗಾಮುಗ್ಗಾ ಥಳಿಸಿದಾಗ ಒಳ್ಳೆಯವರಿಗೆ ಇದು ಕಾಲವಲ್ಲ ಎಂದು ಅರ್ಥವಾಯಿತು.
ನನ್ನನ್ನು ಸರಿಸಮಾನವಾಗಿ ನೋಡದೇ ಕೆಳದಬ್ಬುವ ಪ್ರಯತ್ನ ಮೊದಲಿನಿಂದಲೂ ನಡೆಯುತ್ತಲೇ ಇದೆ.ನಾನು ಯಾವುದೇ ಸಾಮಗ್ರಿಯ ಬೆಲೆಯ ಪಕ್ಕ ನಿಂತು ಅದರ ಬೆಲೆ ಎರಡರಷ್ಟಾದರೆ ಅಮ್ಮಮ್ಮೋ!ಎಂದು ಹುಬ್ಬೇರಿಸಿ ಕರಚಾಮರದಲ್ಲಿ ಗಾಳಿ ಬೀಸಿಕೊಳ್ಳುವ ಜನರು ಅದೇ ನನ್ನನ್ನು ಕೆಳದಬ್ಬಿ ೧/೨ ಪ್ರೈಸ್ ಸೇಲ್ ಎಂದು ಬೋರ್ಡ್ ನೋಡಿದರೆ ಆಹಾಹಾ! ಎಂದು ಬೇಡದ್ದನ್ನು ಖರೀದಿಸುವಾಗ ನನಗೆ ನಗಬೇಕೋ ಅಳಬೇಕೋ ತಿಳಿಯುವುದಿಲ್ಲ.
ಆದರೆ ೨೦೧೪ರಲ್ಲಿ ಮಾನ್ಯ ನರೇಂದ್ರ ಮೋದಿಯವರು ಚುನಾವಣಾ ಗೆದ್ದಾಗ ಕೈಯಲ್ಲಿ ಎರಡು ನಂಬರ್ ತೋರಿಸಿ ವಿಜಯೋತ್ಸವ ಮಾಡಿದಾಗ,ಎರಡನೇ ಬಾರಿ ಮತ್ತೆ ಗೆದ್ದು ಬಂದಾಗ ಜನರು ಪಟ್ಟ ಸಂಭ್ರಮವನ್ನು ಕಂಡು ನನ್ನ ಗುಣ ನಡತೆಯ ಮೇಲೆ ಆವರಿಸಿದ್ದ ಕಪ್ಪು ಛಾಯೆ ಹೋಯಿತೆಂದು ಕೊಂಡರೆ ಚಂದ್ರಯಾನ-೨ ಚಂದ್ರನಿಗೆ ಎರಡು ಕಿ.ಮೀ ದೂರವಿರಬೇಕಾದರೆ ಪತನಗೊಂಡ ಕರ್ಣಕಠೋರ ಸುದ್ದಿ ನನ್ನ ಎರಡೂ ಕಿವಿಗಳ ಮೇಲೆ ಬಿದ್ದಾಗ ಇದು ಎಂದೂ ಮುಗಿಯದ ಕಥೆ ಎಂದು ತಿಳಿದು ನನ್ನ ಎರಡೂ ಕಣ್ಣುಗಳಲ್ಲಿ ನೀರು ಸುರಿಯಿತು.
ಇಷ್ಟು ಹೇಳಿ ನನ್ನ ಎರಡು ಮಾತನ್ನು ಮುಗಿಸುತ್ತೇನೆ.
ಇತೀ ನಿಮ್ಮ ಪ್ರೀತಿಯ
ಎರಡು
-ವಿಕಟಕವಿ
Comments